హౌసింగ్ అధికారిపై దాడి

మొనపాళెం(వాకాడు): తుపానులో ప్రజలను అప్రమత్తం చేసిసురక్షిత ప్రాంతాలకు తరలించే నిమిత్తం మొనపాళెం గ్రామానికి వెళ్లిన హౌసింగ్ ఏఈ పుల్లయ్యపై ఆ గ్రామానికి చెందిన మామిడిపూడి శ్రీనివాసులు స్కూటర్ ఆపలేదని మద్యం మత్తులో దాడి చేసి గాయపరిచారు. ఈ విషయం వాకాడు అధికారులకు తెలిపినా ఫలితం లేకపోవడంతో ఆయా గ్రామాల్లోని సైక్లోన్ అధికారులు తాము డ్యూటీలు చేయలేమంటూ నిరసన తెలిపారు.

ఈ సందర్భంగా వారు మాట్లాడుతూ తమకు తీర ప్రాంతాల్లో భద్రతలేదని డ్యూటీలు చేయలేమంటూ ఐటీడీఏ పీఓ వెంకటేశ్వరరావు, డిప్యూటీ తహశీల్దార్ పూర్ణచంద్రరావుకు ఫిర్యాదు చేశారు. అయినా ఫలితం లేకపోవడంతో ఈ విషయాన్ని విలేకరులకు తెలుపగా వారు అధికారులను వివరణ కోరారు. స్పందించిన అధికారులు మొనపాళెం గ్రామానికి వెళ్లి స్పెషల్ అధికారులకు ధైర్యం చెప్పి అతనిపై వె ంటనే చర్యలు తీసుకుంటామని హామీ ఇచ్చారు. శ్రీనివాసులుపై కేసు దర్యాప్తు చేస్తున్నామని పోలీసులు తెలిపారు.