రెండు వారాల్లో రామదండు

ఫుట్‌బాల్ ఆట నేపథ్యంలో సాగే కథాంశంతో రూపొందిన చిత్రం ‘రామదండు’. కృష్ణుడు హీరోగా నటించిన ఈ చిత్రానికి రచయిత వేగేశ్న సతీష్ దర్శకుడు. బండి రాధికానారాయణరావు, బండి రత్నకుమార్ నిర్మాతలు. సౌమ్య కథానాయిక. నిర్మాణం పూర్తి చేసుకున్న ఈ చిత్రం ఫిబ్రవరి మొదటివారంలో విడుదల కానుంది. ‘‘యువతరానికి వినోదంతో పాటు సందేశాన్ని కూడా ఈ సినిమా ద్వారా ఇవ్వనున్నాం.

పనిచేసిన అందరికీ సంతృప్తిని ఇచ్చిన సినిమా ఇది. ప్రేక్షకులను కూడా అలరిస్తుందని మా నమ్మకం’’ అని దర్శకుడు అన్నారు. స్ఫూర్తిదాయకమైన కథతో దర్శకుడు ఈ సినిమాను మలిచారని, ఈ సినిమాకు నిర్మాతలం కావడం మాకు గర్వకారణమని నిర్మాతలు చెప్పారు. ఎం.ఎస్.నారాయణ, కృష్ణభగవాన్, కొండవలస, మాస్టర్ భరత్, తదితరులు ఇతర పాత్రలు పోషించిన ఈ చిత్రానికి కెమెరా: ఎం.ఆర్.వర్మ, సంగీతం: శ్రీవసంత్.